Իրանում ուրանի պատճառով հիստերիա բարձրացնելը սխալ մոտեցում է. ՌԴ ԱԳՆ

Իրանում՝ չհայտարարված վայրում հայտնաբերված ուրանի մասնիկների պատճառով քաղաքական հիստերիա բարձրացնելը սխալ դիրքորոշում է. ըստ Yerkir.am-ի՝ հայտնում է  ՌԻԱ «Նովոստի»-ն՝  վկայակոչելով Ռուսաստանի փոխարտգործնախարար Սերգեյ Ռյաբկովին:

Ավելի վաղ հայտնի էր դարձել, որ Ատոմային էներգիայի միջազգային գործակալության ներկայացուցիչները ուրանի մասնիկներ են հայտնաբերել իրանական օբյեկտում, որի մասին նախկինում չի հաղորդվել:

Ռյաբկովի պնդմամբ՝ ռուսական կողմի դիրքորոշումն այն է, որ Իրանին և ԱԷՄԳ-ի քարտուղարությանը հնարավորություն ընձեռվի ամբողջությամբ պարզաբանել ստեղծված ամբողջ իրավիճակը:

Փոխնախարարը նաև հավելել է, որ այժմ ոմանց, այդ թվում՝ ազդեցիկ ուժերի կողմից նոր բացահայտված հանգամանքները շահարկելու միտում կա: