Թուրքիայում ձերբակալել են ԻՊ վարժանքների ճամբարի պատասխանատուին

Թուրքիայի հինգ նահանգներում իրականացված օպերացիայի ընթացքում յոթ մարդ է ձերբակալվել, որոնք, ենթադրաբար, կապ ունեն ԻՊ ահաբեկչական կազմակերպության հետ. ըստ Yerkir.am-ի՝ հայտնում է թուրքական Anadolu գործակալությունը՝ Թուրքիայի ՆԳՆ-ին հղումով:

Գործողություններն իրականացվել են նոյեմբերի 2-ին Օսմանիե, Ստամբուլ, Հազիանթեփ, Քիլիս և Բուրսա նահանգներում՝ թուրքական ոստիկանության մասնակցությամբ:

Ըստ ներքին գերծերի նախարարության տվյալների՝ ձերբակալվածնեից մեկը ԻՊ ռազմական վարժանքների ճամբարի պատասխանատուն է եղել, որտեղ ամեն տարի զինպատրաստություն էին անցնում 1500-2000 օտարերկրյա զինյալներ: Միևնույն զինյալը մասնակցել է նաև կազմակերպության համար միջոցների հավաքագրման գործընթացին:

Մյուս երկու ձերբակալվածները պատասխանատու են եղել վարժանքների ճամբարների զենքի մատակարարման, ինչպես նաև  նյութա-տեխնիկական ապահովման համար: