Թուրքական ծագումով ամերիկացի հայտնի բասկետբոլիստը Էրդողանին Հիտլերին է նմանեցրել

Թուրքական արմատներով ամերիկացի բասկետբոլիստ Էնես Քանթերը, որը հանդես է գալիս NBA-ի «Բոսթոն Սելթիքս» ակումբում, CNN-ին տված հարցազրույցում քննադատական խոսքեր է ուղղել Թուրքիային՝ Սիրիայում անօրինական գործողությունների համար. հաղորդում է star.com.tr կայքը:

Զրույցի ընթացքում բասկետբոլիստը Էրդողանին համեմատել է Հիտլերի հետ և քննադատել Թուրքիային: «Սիրիայում երեխաներ են մահանում: ԻՊ-ի հետ են աշխատում: Բռնազավթումը պետք է դադարեցվի»,- հայտարարել է Քանթերը:

Իսլամական ուսուցիչ և Թուրքիայում ահաբեկիչ հայտարարված Ֆեթուլլահ Գյուլենի հետ առնչության մեջ մեղադրվող բասկետբոլիստն ավելի վաղ իսրայելական լրատվամիջոցներին տված հարցազրույցում ևս քննադատել էր Թուրքիային: