Մենք միշտ մեր եղբայր Թուրքիայի և նրա բանակի կողքին ենք. ադրբեջանցի պաշտոնյա

Ադրբեջանի նախագահին կից քաղաքացիական հասարակության կազմակերպությունների խորհրդի անդամ Էմին Հասանլըն նշել է, որ ավելի քան 1000 ադրբեջանցի երիտասարդներ դիմել են  թուրքական բանակին կամավոր միանալու համար. տեղեկացնում է En Son Haber-ը։ 

«Թուրքիան սկսել է գործողությունը Սիրիայում, և Ադրբեջանի վետերանները, ռազմական թոշակառուները, նահատակների ընտանիքները, մեր երիտասարդներն ու ամբողջ ադրբեջանցի ժողովուրդն ուզում է օգնել ձեզ: Ցանկանում ենք, որ թուրքական բանակը որքան հնարավոր է կարճ ժամանակում հաղթանակ տանի»,- ասել է Հասանլըն՝ հավելելով, որ ադրբեջանցի վետերաններն ու երիտասարդները «ցանկանում են կռվել թուրքական բանակի շարքերում»:

«Մենք միշտ մեր եղբայր Թուրքիայի և նրա բանակի կողքին ենք»,- մանրամասնել է նա:

Հիշեցնենք՝ հոկտեմբերի 9-ին Թուրքիան հայտարարել է Սիրիայում ռազմական գործողության մեկնարկի մասին։