Երևանը ներառվել է ԱՊՀ լավագույն քաղաքների եռյակում

Երևանը ներառվել է ԱՊՀ՝ աշնանը հանգստի և ճամփորդությունների համար լավագույն քաղաքների եռյակում: Այս մասին տեղեկացնում է ТурСтат զբոսաշրջային պորտալը՝ հիմնվելով զբոսաշրջիկների շրջանում ամենահայտնի քաղաքների վերլուծության վրա:

«Ինքնուրույն մեկնած զբոսաշրջիկներն ԱՊՀ քաղաքներ են մեկնում աշնանը միջինը երկու-երեք հանգստյան օրերի, իսկ խմբերով սովորաբար ընտրում են էքսկուրսիոն շրջագայություններ մեկ շաբաթվա համար: Զբոսաշրջիկներն ԱՊՀ քաղաքներ և երկրներ աշնանային ուղևորությունների համար օրական 40-ից մինչև 100 դոլար են ծախսում՝ ներառյալ բնակության վայրը և սնունդը»,- հայտնում է լրատվամիջոցը:

Բելառուսի մայրաքաղաք Մինսկը զբաղեցնում է առաջին հորիզոնականը, երկրորդում Ղազախստանի մայրաքաղաք Նուր Սուլթանն է, երրորդում՝ Երևանը: