Որոշել եմ հրաժարական տալ, քանի որ համարում եմ, որ կատարել եմ իմ առաքելությունն այս փուլում. Բախտաձե

Վրաստանի վարչապետ Մամուկա Բախտաձեն հայտնել է հրաժարական տալու մասին։ Այս մասին տեղեկացնում է «ՌԻԱ Նովոստի» գործակալությունը՝ նշելով, որ Վրաստանի կառավարությունը վայր է դնում լիազորությունները:

«Ես որոշել եմ հրաժարական տալ, քանի որ համարում եմ, որ կատարել եմ իմ առաքելությունն այս փուլում»,- իր ֆեյսբուքյան էջում գրել է Բախտաձեն։

Ըստ օրենքի՝  նախարարները կշարունակեն կատարել իրենց պարտականությունները մինչև կառավարության նոր կազմի հաստատումը:

Վարչապետի թեկնածու կարող է առաջարկել այն կուսակցությունը, որն ամենաշատ ձայնն է հավաքել խորհրդարանական ընտրություններում։ Այս դեպքում թեկնածու առաջարկելու իրավունք ունի «Վրացական երազանք»-ը: