ԱՄՆ-ը նոր պատժամիջոցներ կսահմանի ՌԴ-ի դեմ

ԱՄՆ-ը մտադիր է նոր պատժամիջոցներ սահմանել Ռուսաստանի դեմ Սկրիպալերի գործի շրջանակում. հայտնում է РИА Новости-ն` պետդեպարտամենտի հայտարարությանը հղումով։

Այսպես` պատժամիջոցները նախատեսում են պետական պարտքի հարցում սահմանափակումներ և պահանջ`ուղղված միջազգային կազմակերպություններին (Համաշխարհաին բանկին և Արժույթի միջազգային հիմնադրամին)` վարկ, ֆինանսական կամ տեխնիկական օգնություն չտրամադրել Մոսկվային։

Նոր սահմանափակումներն ուժի մեջ կմտնեն 15 օրից,  այն բանից հետո, երբ դրանց մասին կիրազեկեն ԱՄՆ Կոնգրեսին, այսինքն` օգոստսոի 19-ին։ Դրանք կգործեն նվազագույնը 12 ամիս։

Հիշեցնենք, որ ռուս նախկին լրտես Սերգեյ Սկրիպալին  թունավորել էին Լոնդոնում անցյալ տարի։ Բրիտանիան մեղադրում է դրանում Մոսկվային։