Ռումինիայում Հայաստանի դեսպանը հանդիպել է Ռումինիայի հետազոտությունների և նորարարությունների նախարարի հետ

Ռումինիայում ՀՀ դեսպան Սերգեյ Մինասյանը հուլիսի 30-ին հանդիպել է Ռումինիայի հետազոտությունների և նորարարությունների նախարար Նիկոլաե Հուրդուկին (Nicolae Hurduc), տեղեկացրին ՀՀ արտաքին գործերի նախարարության լրատվության և հանրային դիվանագիտության վարչությունից:

Կողմերը քննարկել են հետազոտական և զարգացմանն ուղղված նախագծերի իրականացման հնարավորությունները, «Հորիզոն-2020» հետազոտությունների և նորարարության շրջանակային ծրագրերի շրջանակներում համագործակցության հեռանկարները` ներառյալ բարձրագույն կրթության ոլորտում հետազոտական բաղադրիչի զարգացմանն ուղղված գործողությունները, ինչպես նաև՝ Հայաստանի և Ռումինիայի ներկայացուցիչների մասնակցությունը երկու երկրներում կազմակերպվող միջոցառումներին։