Զարեհ Սինանյանը հանդիպել է «Ռուսաստանի հայերի միավորման» խորհրդի անդամների և «Դիալոգ»-ի ներկայացուցիչների հետ

Սփյուռքի գործերի գլխավոր հանձնակատար Զարեհ Սինանյանն իր մոսկովյան այցի շրջանակներում հանդիպել է «Ռուսաստանի հայերի միավորում» հասարակական կազմակերպության խորհրդի անդամների հետ: Հանդիպումը տեղի է ունեցել «Նիկոլսկայա» հյուրանոցի հանդիպումների սրահում: Այս մասին հայտնում են Սփյուռքի գործերի գլխավոր հանձնակատարի գրասենյակի աշխատակից:

Այնուհետև կազմակերպության հիմնադիրները, ներկայանալով Սփյուռքի գործերի գլխավոր հանձնակատարին, ներկայացրել են ՌՀՄ ստեղծման պատմությունը, հիմնական նպատակները և կառուցվածքը, նշելով, որ ՌՀՄ-ն բաղկացած է Ռուսաստանի հայերի տարբեր կազմակերպությունների ներկայացուցիչների միավորումից, որն իրենից ներկայացնում է ցանցային կառույց: Այն կոչված է զբաղվելու ՌԴ հայերի խնդիրներով և օտար միջավայրում հայերի վարկանիշի բարձրացմամբ:

Իրենց առանձին ելույթներում հասարակական կազմակերպության անդամները հանդես են եկել մի շարք հետաքրքիր առաջարկներով:

Հանդիպումը շարունակվել է հարց-պատասխան ձևաչափով և ավարտվել հյուրասիրությամբ ու համատեղ նկարով:

Ավելի ուշ Զարեհ Սինանյանը հանդիպել է «Դիալոգ» կազմակերպության ներկայացուցիչների և գործընկերների հետ: