Աննախադեպ ցածր քայլ. ՌԴ ԱԳՆ-ի արձագանքը «Ռուսթավի 2»-ի եթերում կատարվածին

Ռուսաստանի ԱԳՆ-ն արձագանքել է վրացական «Ռուսթավի 2» հեռուստաալիքի եթերում ՌԴ նախագահ Վլադիմիր Պուտինի հասցեին հնչած հայհոյանքներին. հայտնում է Рамблер-ը:

«Մենք կտրուկ դատապարտում ենք իր տեսակով աննախադեպ այս ցածր  արարքը՝ Ռուսաստանի ղեկավարի հասցեին հնչած անընդունելի արտահայտությունները վրացական «Ռուսթավի-2» հեռուստաալիքի եթերում: Սա դիտարկում ենք որպես վրացական արմատական ուժերի ևս մեկ բացահայտ սադրանք՝ ուղղված ռուս-վրացական հարաբերությունների խաթարմանը: Այս աղաղակող միջադեպը վառ օրինակ է այն բանի, թե ուր է տանում սանձարձակ ռուսատյացությունը»,-ասվում  է մեկնաբանության մեջ:

Հիշեցնենք, որ վրացական իշխանությունները նույնպես դատապարտել էին այդ քայլը` դա «սադրանք» որակելով: