Էրդողանը մասնակցել է հայազգի լուսանկարիչ Արա Գյուլերի ցուցահանդեսի բացմանը

Թուրքիայի նախագահ Ռեջեփ Թայիփ Էրդողանը Ճապոնիայի Կիոտո քաղաքի Թոֆոքուջի տաճարում մասնակցել է հայ հայտնի լուսանկարիչ Արա Գյուլերի լուսանկարների ցուցահանդեսի բացմանը: Բացմանը մասնակցել է նաև Էրդողանի կինը` Էմինե Էրդողանը, Ճապոնիայի արքայադուստր Ակիկո Մուկասան և այլք. հաղորդում «Անադոլու» գործակալությունը:

Նշենք, որ 2019 թ. Ճապոնիայում հայտարարվել է «Թուրքական մշակույթի տարի», և Թուրքիան Ճապոնիա էր ուղարկել Օսմանյան թեմատիկայով մի շարք հնագիտական առարկաներ:

Պոլսահայ Արա Գյուլերը, որը համագործակցել էր մի շարք միջազգային առաջատար ամսագրերի հետ, մահացել է անցյալ տարվա հոկտեմբերի 17-ին 90 տարեկան հասակում: