Սիրիայում թուրք-քրդական բախումների հետևանքով Թուրքիան կորուստ ունի

Սիրիայի հյուսիսարևմուտքում` Աֆրինում, որը գտնվում է Թուրքիայի ԶՈւ և իսլամիստ ծայրահեղականների վերահսկողության տակ, հարձակում է տեղի ունեցել թուրքական ռազմաբազայի վրա: Այս մասին հաղորդում է թուրքական Sendika.Org կայքը:

Թուրքիայի պաշտպանության նախարարության տարածած հաղորդագրության համաձայն` «Ձիթենյաց ճյուղ» գործողության տարածքի շրջակայքում քրդական ազգային ինքնապաշտպանական ուժերի և Թուրքիայի ԶՈւ միջև տեղի ունեցած բախումների հետևանքով մահացել է նվազագույնը 1, վիրավորվել` 5 զինվորական:

Սիրիական Քուրդիստանի «Հավար» լրատվական գործակալության տվյալների համաձայն` «Աֆրինի ազատագրման ուժերը» երեկ` հունիսի 25-ին, հարձակում են գործել Ջիլբիր գյուղում գտնվող և Թուրքիային պատկանող երկու ռազմաբազայի վրա: