«Лента.ру-ն վիրավորել է ադրբեջանցի կանանց»

Ռուսական «Лента.ру» պարբերականը հոդված է հրապարակել, որը վիրավորել է ադրբեջանցի կանանց արժանապատվությունը։ Այդ մասին գրում է Haqqin.az-ը:

Հոդվածը հրապարակվել է պարբերականի մի նախագծի շրջանակում, որը նվիրված է ԱՊՀ երկրներում սոցիալական փոխհարաբերությունների համակարգին և սոցիալական դասավորությանը: Այն հրապարակվել է երեկ և առաջացրել ադրբեջանական հասարակության վրդովմունքը:

Դրանում մասնավորապես ասվում էր, որ, չնայած ադրբեջանական հասարակության ավանդական, պահպանողական կարգերին, նկատվում է բարքերի սանձարձակություն, իսկ շատ ապահովված կանայք ամունությունից հետո երիտասարդ սիրեկաններ են ունենում:

Haqqin.az-ին հայտնի է դարձել, որ հոդվածը հեռացվել է դիվանագետների աշխատանքի շնորհիվ: