Տարածաշրջանում լարվածությունը պայմանավորված է ԱՄՆ միակողմանի քայլերով. ՌԴ վարչապետ

ՌԴ վարչապետ Դմիտրի Մեդվեդեւը Մերձավոր Արեւելքում լարվածության մեծացումը պայմանավորել է ԱՄՆ միակողմանի քայլերով: Այս մասին նա հայտարարել է Ֆրանսիայի վարչապետ Էդուարդ Ֆիլիպի հետ համատեղ մամուլի ասուլիսում. հաղորդում է ԻՌՆԱ-ն:

«Մերձավոր Արեւելքում առկա իրավիճակը հիմնականում պայմանավորված է ԱՄՆ-ի՝ Միջուկային համապարփակ համաձայնագրից միակողմանի դուրս գալով, դա ակնհայտ է»,- ասել է նա՝ հավելելով. «Մենք կգործադրենք հնարավոր բոլոր ջանքերը Մերձավոր Արեւելքում իրավիճակի պայթյունը կանխելու համար»:

Ըստ Մեդվեդևի` ներկայիս իրավիճակում կարեւոր է շփումների, համագործակցության եւ երկխոսության հնարավորության պահպանումը, որպեսզի հնարավոր լինի կանխել տարածաշրջանում լարվածության առավել մեծացումը: