Պատգամավորները «բոյկոտում են» Յոլյանի հաշվետվությունը

Խորհրդարանի այսօրվա արտահերթ նիստում պատգամավորները լսում են ՀՀ Հաշվեքննիչ պալատի 2018 թվականի գործունեության վերաբերյալ տարեկան հաղորդումը, որ ներկայացնում է պալատի նախագահ Լևոն Յոլյանը:

Yerkir.am-ի թղթակիցը հայտնում է, որ ԱԺ դահլիճը կիսադատարկ է: Հատկապես «Իմ քայլը» խմբակցության պատգամավորների ճնշող մեծամասնությունը ներկա չէ դահլիճում` 88 պատգամավորներից դահլիճում է 15-ը: Իշխող ուժին, ըստ երևույթին, չի հետաքրքրում, թե անցնող տարվա ընթացքում պալատն ինչ գործունեություն է ծավալել: «Լուսավոր Հայաստան»-ի 18 պատգամավորներից ներկա է  6 պատգամավոր, «Բարգավաճ Հայաստան» խմբակցության 26 պատգամավորներից` 8-ը:

Հավելենք, որ այսօր սպասվում է նաև Հարկային օրենսգրքի բարեփոխումների փաթեթի քննարկումը: