Վահե Գրիգորյանն առաջադրվել է օրենքի խախտումով․ Գորգիսյան

Խորհրդարանում արդեն մեկնարկել է Սահմանադրական դատարանի դատավորի թեկնածու Վահե Գրիգորյանի ընտրության քվեարկությունը։ «Լուսավոր Հայաստան» խմբակցությունը միասնական չի քվեարկելու, նրանք ազատ են քվեարկության հարցում։

ԼՀԿ խմբակցության քարտուղար Գեւորգ Գորգիսյանը, օրինակ, հակված է «դեմ» քվեարկելուն: «Մեր սկզբունքները չեն փոխվել: Մինչև Վահե Գրիգորյանի թեկնածությունը` մենք ունեցանք երկու ապաքաղաքական թեկնածու, որոնց «Իմ քայլը» խմբակցությունը մերժեց ակնհայտորեն»,- խորհրդարանում լրագրողների հետ զրույցում ասաց նա:

«Մյուս խնդիրը հետևյալն է՝ օրենքն ասում է, որ նախագահը ՍԴ անդամի նոր թեկնածու պետք է առաջադրի, իսկ Վահե Գրիգորյանը նոր չէ՝ երկրորդ անգամ է առաջադրվում»,- նշեց պատգամավորը։