Պաշտպանության փոխնախարարը մասնակցել է զինծառայող Արտյոմ Խաչատրյանի հոգեհանգստի արարողությանը

ՀՀ պաշտպանության նախարարի տեղակալ Գաբրիել Բալայանը մասնակցել է հունիսի 13-ին ՊԲ հյուսիսային ուղղությամբ տեղակայված զորամասերից մեկի պահպանության տեղամասում հակառակորդի կողմից արձակված կրակոցից զոհված զինծառայող Արտյոմ Խաչատրյանի հոգեհանգստի արարողությանըԱյս մասին «Ֆեյսբուք»-ի իր էջում հայտնել է ՀՀ ՊՆ մամուլի խոսնակ Արծրուն Հովհաննիսյանը:

«Այսօր ՀՀ պաշտպանության նախարարի տեղակալ Գաբրիել Բալայանը մասնակցել է զինծառայող Արտյոմ Վազգենի Խաչատրյանի հոգեհանգստի արարողությանը»,- գրել է Հովհաննիսյանը:

Զինծառայող Արտյոմ Վազգենի Խաչատրյանը հակառակորդի կողմից արձակված կրակոցից մահացու վիրավորում է ստացել հունիսի 13-ին` ժամը 17:05-ի սահմաններում, ՊԲ հյուսիսային ուղղությամբ տեղակայված զորամասերից մեկի պահպանության տեղամասում: Դեպքի մանրամասները պարզելու համար կատարվում է քննություն: