Բողոքի ակցիա` կառավարության շենքի առջև. Կոնդի բնակիչները պահանջում են նոր չափագրում իրականացնել և այդ նպատակով հանձնաժողով ստեղծել

Այս պահին Երևանի Կոնդ թաղամասի բնակիչները կառավարության շենքի առջև բողոքի ակցիա են իրականացնում` պահանջելով նոր չափագրում իրականացնել և այդ նպատակով ստեղծել նոր հանձնաժողով: Բնակիչներն ավելի վաղ` մայիսի 17-ին, բողոքի ակցիա էին կազմակերպել նաև քաղաքապետարանի առջև:

Մայրաքաղաքի հնագույն թաղամասերից մեկի բնակիչների պնդմամբ` խախտվել է իրենց սեփականության իրավունքը, քանի որ իրենք ստիպված են անձնական միջոցներով` 30-50 հազար դրամ վճարելով, չափագրումներ կատարել: «Մեր կատարած չափագրումները Կադաստրի պետական կոմիտեն չի ընդունում և որպես սեփական տարածք չի գրանցում»,- հստակեցնում են ակցիայի մասնակիցները: