Ադրբեջանը խախտել է Կասպից ծովի իրավական կոնվենցիան

Ադրբեջանի ռազմածովային ուժերը Կասպից ծովի տարածքում ՆԱՏՕ-ի չափանիշներով զորավարժություններ են անցկացրել: Այս մասին նշված է Ադրբեջանի պաշտպանության նախարարության կայքում. հաղորդում է Parstoday.com-ը:

Ադրբեջանի պաշտպանական գերատեսչությունը տեղեկացրել է, որ «ՆԱՏՕ-ի  գործնական կարողությունների ռազմավարությունը» ծրագրի շրջանակում իրականացվող այդ զորավարժություններին հետեւելու նպատակով Հյուսիսատլանտյան դաշինքի փորձագետները գտնվում են այդ տարածքում: Նրանց նպատակը զորավարժությունների չափանիշների համապատասխանության քննարկումը եւ Ադրբեջանի ռազմածովային ուժերին պատկանող նավերում ՆԱՏՕ-ի սարքավորումների օգտագործումն է:

Կասպից ծովի իրավական կոնվենցիայի համաձայն`  այս ջրատարածքում գործունեություն ծավալելը  միայն ափամերձ երկրներին է թույլատրվում, իսկ արտատարածաշրջանային ուժերի ներկայությունն այդ կոնվենցիայի խախտում է համարվում: