«Թույլ չենք տա` Էրդողան դառնաս». ցույցեր` Իսրայելում

Իսրայելում հազարավոր քաղաքացիներ բողոքի ցույցեր են կազմակերպել երկրի վարչապետ Բենյամին Նեթանյահուին անձեռնմխելիություն տալու դեմ. հաղորդում է artigercek.com կայքը:

Ապրիլի 9-ին տեղի ունեցած ընտրությունների արդյունքում 4-րդ անգամ պաշտոնավարելու լիազորություն ստացած Նեթանյահուի վերաբերյալ 3 առանձին` կոռուպցիոն գործողությունների մասնակից լինելու մեղադրանք կա:

Ընդդիմությունը բողոքի ցույցեր է կազմակերպել կոռուպցիայի մեջ մեղադրվող Նեթանյահուին անձեռնմխելիություն չտալու պահանջով: Դրանց ընթացքում Նեթանյահուի քաղաքականությունը համեմատվել է Թուրքիայի քաղաքականության հետ: «Թույլ չենք տա` Էրդողան դառնաս: Մենք չենք ունենալու թուրք դիկտատոր, թույլ չենք տալու»,- հայտարարել է ընդդիմության առաջնորդ Յաիր Լապիդը:

Ցույցի ընթացքում որոշ ցուցարարներ ֆեսեր են կրել: