Չեխիայի ԱԳՆ-ն ողջունել է Բրենդոն Սթարքի` Վեսթերոսի թագավոր ընտրվելը

Չեխիայի արտգործնախարարությունն իր ֆեյսբուքյան պաշտոնական էջում կատակ-հաղորդագրություն է տարածել, որում, մասնավորապես, նշվում է.

«Չեխիայի Հանրապետության արտաքին գործերի նախարարությունը ողջունում է Վեսթերոսի երկարատև քաղաքացիական պատերազմի ավարտը: Մենք ճանաչում ենք Բրենդոն Սթարքի ընտրությունը`համարելով, որ դա դրական քայլ էր թագավորության կայունության ամրապնդման և բնակչության կենսապայմանների բարելավման համար»:

Հիշեցնենք, որ օրեր առաջ HBO ամերիկյան հեռուսատաալիքի եթերում ցուցադրվեց աշխարհում ամենառեյտինգայինն համարվող «Գահերի խաղը» հեռուստասերիալի վերջին սերիան, որի ընթացքում հայտնի դարձավ 6 թագավորությունների արքայի անունը: