ԱՄՆ-ի և Վենեսուելայի միջև դադարեցվել են քաղավիացիայի բոլոր թռիչքները

ԱՄՆ տրանսպորտի նախարար Էլեյն Չաոն հայտարարել է Ամերիկայի Միացյալ Նահանգների Վենեսուելայի հետ հաղորդակցությունը դադարեցնելու որոշման մասին: Այս մասին տեղեկացնում է ՏԱՍՍ-ը:

Գերատեսչության կողմից տարածված մամուլի հաղորդագրության մեջ մասնավորապես նշվում է. «Ներքին անվտանգության նախարարությունը պահանջում է անհապաղ դադարեցնել քաղավիացիայի բոլոր թռիչքները ԱՄՆ-ի և Վենեսուելայի միջև»:

Հավելվում է նաև, որ ավիահաղորդակցության ժամանակավոր կասեցումը երկրում առկա անվտանգության սպառնալիքի հետ է կապված:

Հիշեցնենք, որ ավելի վաղ ՄԱԿ-ի Անվտանգության խորհուրդը փակ խորհրդակցություններ էր անցկացրել Վենեսուելայի հարցով: