Ադրբեջանում առկա դրությունն անհանգստացնող է. ԵՄ զեկույց

ԵՄ-ն մայիսի 14-ին հրապարակել է «Ժողովրդավարության և մարդու իրավունքների վիճակն աշխարհում» զեկույցը: Ադրբեջանին վերաբերող մասում նշվում է, որ իրավիճակը երկրում շարունակում է անհանգստացնել. հաղորդում է «Թուրան» գործակալությունը:

 «Շարունակվում է հավաքների, խոսքի, միությունների հիմնարար ազատությունների սահմանափակումը, իսկ իշխանությունները հետապնդում են ընդդիմախոսներին: Առանց դատարանների թույլտվության` արգելափակվում են հայտնի ԶԼՄ-ների կայքերը, վարչական հրամանների հիմքով ձերբակալվում են լրագրողներ: Փաստաբանների կոլեգիան զրկել է մի շարք փաստաբանների արտոնագրերից, որոնք զբաղվում էին մարդու իրավունքների պաշտպանությամբ»,- ասվում է զեկույցում: