«Իմ քայլի» պատգամավորն առաջարկում է «նստեցնել» վարկը չմարողներին

Խորհրդարանականներն այսօր քննարկում էին նաև  «Լուսավոր Հայաստան» խմբակցության կողմից օրակարգ բերված` «Վարչական իրավախախտումների վերաբերյալ» ՀՀ օրենսգրքում փոփոխություններ անելու մասին նախագիծը: «Լուսավորականներն» առաջարկվում են լիցենզիա չունեցող և վարկային միջնորդության ծառայություններ առաջարկող գովազդների պատասխանատուներին տուգանել նվազագույն աշխատավարձի երկուհազարապատիկի չափով, իսկ չորս տարվա ընթացքում կրկնելու համար՝ չորսհազարապատիկի չափով:

 «Իմ քայլը» խմբակցության պատգամավոր Հովիկ Աղազարյանն ԱԺ ամբիոնից հարցի առնչությամբ ասաց, որ տասնյակհազարավոր մարդիկ վարկեր են վերցրել, որոնք չեն մարելու: «Հենց վերցնելու պահից որոշել են, որ իրենք չպետք է  մարեն: Այս երևույթն ազդելու է մեր երկրի տնտեսության վրա, և ես առաջարկում եմ քրեականացնել վարկ չմարելու դեպքերը»,- ընդգծեց նա: