Ստեփանակերտում դիմավորել են Եվրոպայի առաջնությունից հաղթանակով վերադարձած սամբիստներին

Ստեփանակերտի «Մենք ենք մեր սարերը» հուշահամալիրում այսօր տեղի է ունեցել Կիպրոսի Լիմասոլ քաղաքում անցկացված սամբոյի Եվրոպայի պատանեկան ու երիտասարդական առաջնություններում մրցանակային տեղեր գրաված արցախցի մարզիկների դիմավորման հանդիսավոր արարողություն:Նրանց ողջունել են դրոշներով, զուռնա-դհոլով, ցուցապաստառներով:

ԱՀ կրթության, գիտության և սպորտի նախարար Նարինե Աղաբալյանը դափնեպսակներ է հանձնել մարզիկներին և հավաքականի Արցախի և Հայաստանի վաստակավոր մարզիչ Էռնեստ Միրզոյանին:«Արցախպրես»-ի թղթակցի հետ զրույցում ԱՀ կրթության, գիտության և սպորտի նախարարի տեղակալ Աշոտ Դանիելյանն ասել է, որ նախորդ տարիների համեմատ,ինքն էլ ավելի բարձր է գնահատում առաջնության արդյունքները: