Նոտր Դամում պետք է անցկացվեր Հայոց ցեղասպանության զոհերին նվիրված պատարագ

Ապրիլի 15-ում Ֆրանսիայի մայրաքաղաք Փարիզում գտնվող Աստվածամոր տաճարում հրդեհ էր բռնկվել: Ֆրանսիացի հրշեջներին դժվարությամբ է հաջողվել մարել կրակը:

Ի դեպ, տաճարում ապրիլի 22-ին նախատեղվում էր անցկացնել Հայոց ցեղասպանության զոհերի ոգեկոչմանը նվիրված պատարագ. հաղորդում է ermenihaber.am կայքը:

Նշենք, որ օրեր առաջ Ֆրանիսայի նախագահ Էմանուել Մակրոնը հրամանագիր էր ստորագրել երկրում ապրիլի 24-ը Հայոց ցեղասպանության զոհերի ոգեկոչման օր հայտարարելու վերաբերյալ: Փարիզում այդ օրն անցկացվելու են մի շարք միջոցառումներ` նվիրված Հայոց ցեղասպանությանը, իսկ մնացած նահանգներում միջոցառումների կազմակերպումն ու բնույթը վերապահված է նահանգապետարաններին ու  քաղաքապետարաններին: