Հնագետներն ահազանգում են շինարարության հետևանքով Դիարբեքիրի պատմական պարիսպներին վնաս հասցնելու մասին

Թուրքիայի Դիարբեքիր քաղաքի պարիսպները, որոնք գտնվում են ՅՈՒՆԵՍԿՕ-ի Համաշխարհային մշակույթի ժառանգության ցուցակում, վնասվում են պարիսպների մոտակայքում կառուցվող «Ազգային այգի» կոչվող զբոսայգու շինարարական աշխատանքների հետևանքով: Այս մասին ահազանգում են հնագետները, որոնք նշում են, որ հորատող մեքենաների ցնցումների հետևանքով պարիսպների հիմքերը թուլանում են:

Նշենք, որ զբոսայգու կառուցման ծրագիրը դժգոհություն էր առաջացրել բնակչության շրջանում: ՅՈՒՆԵՍԿՕ-ի պատվիրակությունը կատարած հետազոտությունների արդյունքում հայտարարել էր, որ «Տիգրիսի վերակառուցման ծրագիրը» վնաս է հասցնում շրջանի էկոլոգիական համակարգին: Դրանից հետո աշխատանքները դադարեցվել էին,  սակայն ընտրություններից առաջ Էրդողանի խոստումներից մեկը համարվող «Ազգային այգի» զբոսայգու աշխատանքները վերսկսվել էին: