13-14 հազար ձայնի տարբերությունը հաղթանակ չէ. Էրդողան

Թուրքիայի և «Արդարություն և զարգացում» կուսակցության նախագահ Ռեջեփ Թայիփ Էրդողանն անդրադարձել է հետընտրական գործընթացներին: Ռուսաստան կատարած այցից առաջ նա Ստամբուլում ՏԻՄ ընտրությունների արդյունքներն անհիմն էր համարել: «Բարձրագույն ընտրական հանձնաժողովը թող հրապարակի արդյունքները, կհամբուրենք, կդնենք մեր գլխին: Եթե ԲԸՀ-ն անկեղծ դիրքորոշում որդեգրի, ընտրության արդյունքները չեղյալ կհայտարարի: 13-14 հազար ձայնի տարբերությունը հաղթանակ չի նշանակում»,- Էրդողանի խոսքերն է մեջբերում Euronews-ի թուրքական ծառայությունը:

Նշենք, որ երեկ Էրդողանն ու ԱԶԿ փոխնախագահ Իհսալ Ալի Յավուզը հայտարարել էին, որ պահանջելու են Ստամբուլի արդյունքների չեղյալ հայտարարում: