Ֆրանսիայում մսի կրպակներ ու ռեստորաններ ավերած բուսակերները դատապատվել են ազատազրկման

Ֆրանսիայի հյուսիսում դատարանը  6 և 10 ամսվա բանտարկության է դատապարտել 2 բուսակեր ակտիվիստների, որոնք մսի խանութների և ճաշացանկում մսի ճաշատեսակներ ունեցող ռեստորանների վրա հարձակումներ էին կատարել: Այս մասին տեղեկացնում է The Guardian-ը:

Հանցագործները 23-ամյա բանվոր Սիրիլն ու մանկապարտեզի 29-ամյա աշխատակից Մաթիլդան են: Նրանք մեղադրվում են իրենց աշխատավայրերի հարակից հատվածում գտնվող մսի, ձկան խանութների, ինչպես նաև ռեստորանների ավերման ու հրկիզման մեջ:

Ըստ Ֆրանսիայի  օրենսդրության` բուսակերները, որոնց սպառնում է 2 տարուց պակաս պատիժ, կարող են բանտարկությունից խուսափել՝ փոխարենը հանրային աշխատանքներ կատարելով: