Զախարովան` Դավիթ Տոնոյանի հայտարարության մասին

ՌԴ ԱԳՆ պաշտոնական ներկայացուցիչ Մարիա Զախարովայի ավանդական ճեպազրույցում Вестник Кавказа-ի թղթակիցը խնդրել է մեկնաբանել ՀՀ ՊՆ ղեկավար Դավիթ Տոնոյանի` ԱՄՆ-ում արած հայտարարությունը «Նոր պատերազմ` նոր տարածքներ»-ի մասին: «Ինչպե՞ս է Մոսկվան գնահատում ՀՀ-ի նման հռետորաբանությունը Վիեննայում կայացած հանդիպումից անմիջապես հետո»,- հետաքրքվել է լրագրողը:

«Ես չեմ կարող գնահատական տալ կոնկրետ  հայտարարությանը, ես կարող եմ գնահատական տալ և վերահաստատել Ռուսաստանի հավատարմությունը քաղաքական դիվանագիտական կարգավորմանը: Անշուշտ, առաջնահերթություն է  տրվում փոխադարձ պայմանավորվածություններին, եթե կողմերի դիրքորոշումները որոշ հարցերի շուրջ  մոտ են լինում, մենք ողջունում ենք դա, եթե կա անհրաժեշտություն, որպես համանախագահ երկիր,  աջակցություն ենք ցուցաբերում: Կոնկրետ հայտարարությունները, կարծում եմ, մեկնաբանելու կարիք չկա»,- պատասխանել է Զախարովան: