Վենեսուելայի ընդդիմության առաջնորդ Խուան Գուայդոյի դեմ քրեական գործ է հարուցվել

Վենեսուելայի  ընդդիմության առաջնորդ, իրեն երկրի ժամանակավոր նախագահ հռչակած Խուան Գուայդոյի դեմ քրեական գործ է հարուցվել: Այս մասին հաղորդում է nation.com-ը` վկայակոչելով Վենեսուելայի Ազգային սահմանադիր ժողովի (ԱՍԺ) անդամ Գարսիա Սերպայի խոսքերը:

«Նրա դեմ սկսվել է քրեական դատավարություն, որը կվարեն Գերագույն դատարանը և դատախազը»,- հայտնել է Սերպան պետական հեռուստատեսության եթերում` հավելելով. «Գուայդոն պետք է պատասխան տա հայրենիքի դավաճանության և այն ամենի համար, ինչ արել է»:

Հիշեցնենք, որ, Ազգային սահմանադիր ժողովի որոշմամբ և Վենեսուելայի Գերագույն դատարանի հանձնարարականով, Գուայդոն զրկվել է խորհրդարանական անձեռնմխելիությունից:  Այնուամենայնիվ, Ազգային սահմանադիր ժողովի որոշման հրապարակումից հետո նա հայտարարել է, որ մտադիր չէ դադարեցնել պայքարն ընդդեմ իշխանությունների: