Ամերիկացի սենատորները Թուրքիայի վերաբերյալ զեկուցագիր են պատրաստել

Ամերիկացի 4 սենատոր Թուրքիային Ֆ-35 կործանիչների մատակարարումը դադարեցնելու վերաբերյալ օրինագիծ է պատրաստել. հայտնում է t24.com.tr կայքը:

Դեմոկրատ սենատոր Ջին Շեյհինը նշել է. «ՆԱՏՕ-ի անդամ երկիր հանդիսացող Թուրքիայում Ռուսաստանի կողմից ամերիկյան ինքնաթիռների և տեխնոլոգիաների վերաբերյալ տեղեկություններ ստանալը լուրջ ռիսկ է` ուղղված ազգային և համաշխարհային անվտանգությանը»:

Թուրքիան Ֆ-35-ների արտադրության ծրագրի գործընկերներից մեկն է, սակայն ամերիկացի պաշտոնյաները Թուրքիայի` Ռուսաստանից Ս-400 հակահրթիռային պաշտպանական համակարգեր գնելուց հետո որոշել են առկախել Թուրքիային Ֆ-35 կործանիչների մատակարարումը:

ԱՄՆ պաշտապնության նախարարի ժամանակավոր պաշտոնակատար Փաթրիք Շանահանը օրեր առաջ հայտարարել էր, որ ինչքան էլ ցանկանան Թուրքիային վաճառել Ֆ-35 ինքնաթիռները, այնուհանդերձ, պետք է նախքան այդ երկիրը գնի «Պատրիոտ» համակարգեր: