Քարահունջում ոչ թե պեղումներ են, այլ` վանդալիզմ. քաղաքացիական նախաձեռնությունը ահազանգում է

Քարահունջում պեղումներ են սկսվել, պեղումներին զուգահեռ աղմուկ է սկսվել Քարահույջի շուրջ: Մասնագետները պնդում են, որ պեղումներ անվան տակ տեղի է ունենում վանդալիզմ: Անգամ քաղաքացիական նախաձեռնություն է ստեղծվել ««Պեղումներ» անվան տակ կատարվող գործողությունների դեմ» անունով: Նախաձեռնության անդամներից  Վարազդատ Կարապետյանը այսօր լրագրողների հետ հանդիման ժամանակ նշեց, որ պեղումների շղարշի ներքո բարբարոսական գործողություններ են տեղի ունենում:

«Քարահունջը աստղադիտարան է, ոչ թե  դամբարանադաշտ: Հնչող հակափաստարկները գիտական հենք չունեն: Կատարված պեղումների վերաբերյալ հստական գնահատական ունենք, որը նամակի տեսքով ներկայացրել ենք կառավարությանը»,-ասաց Վարազդատ Կարապետյանը:

Նախաձեռնության անդամները վարչապետին ուղղված նամակում պահանջում են ուշադրություն դարձնել Քարահունջում իրականացվող «վանդալիզմին» և պեղումները դադարեցնել: