Սփյուռքի նախարարի պաշտոնակատարն անտեղյակությունը պատճառաբանեց նախարարության փոփոխություններով

ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի այսօրվա նիստում կառավարության ոլորտային նախարարությունների կատարած աշխատանքի մասին զեկույցների ժամանակ Սփյուռքի նախարարի պաշտոնակատար Բաբկեն Տեր-Գրիգորյանն այդպես էլ չպատասխանեց այն հարցին, թե Հայաստան ժամանած 20-22 հազար սիրիահայերը մասնակցո՞ւմ են նախարարության ծրագրերին։ Նախարարի պաշտոնակատարը միայն արձանագրեց. «Այդ հարցին ես հիմա չեմ կարող պատասխան տալ, քանի որ մեր նախարարությունը փոփոխությունների մեջ է, և դա արդեն պիտի քննարկվի հանձնակատարի գրասենյակի հետ»:

Տեր-Գրիգորյանը տեղեկացրեց, որ հանձնակատարի գրասենյակը չի ունենալու ծրագրեր իրականացնելու գործառույթ, հետևաբար` դեռ պետք է լինելու գտնել նախարարություն, որը կկարողանա իրականացնել այդ ծրագրերը: