Արծրուն Հովհաննիսյանը ոչ հերքում, ոչ հաստատում է Մոնթե Մելքոնյանի անվ. ռազմամարզական վարժարանի գույքը օտարելու մասին տեղեկությունը

ՊՆ մամուլի խոսնակ Արծրուն Հովհաննիսյանը «Երկիր մեդիա»-ի հետ զրույցում ոչ հերքեց, ոչ հաստատեց տեղեկությունն այն մասին, որ նախատեսվում է կոմերցիոն նպատակներով օտարել Դիլիջանում տեղակայված Մոնթե Մելքոնյանի անվան ռազմամարզական վարժարանի գույքը:

«Մոնթե Մելքոնյանի վարժարանը գործում է, գործելու է անկախ ամեն ինչից։ Ինչ վերաբերվում է կոնկրետ այդ տարածքին, շինության օտարմանը, ապա օտարումով պաշտպանության նախարարությունը չի զբաղվում, կա համապատասխան պետական կառույց (Պետգույքի կառավարման վարչություն-խմբ)»,- նշել է նա։

Հիշեցնենք, որ ավելի վաղ ՊՆ նախկին նախարար Վիգեն Սարգսյանը իր ֆեյսբուքյան էջում ահազանգել էր Մելքոնյանի անվան ռազմամարզական վարժարանի գույքի` կոմերցիոն նպատակներով օտարման մասին: