Իմ երկրում միայն արևելյան Անատոլիա կա. Էրդողան

Թուրքիայի նախագահ Ռեջեփ Թայիփ Էրդողանը, մարտի 31-ին նախատեսված ՏԻՄ ընտրությունների շրջանակում Էրզրում (Կարին) քաղաքում ելույթ ունենալով, անդրադարձել է քրդամետ Ժողովուրդների դեմոկրատական կուսակցության այն հայտարարությանը, ըստ որի` կուսակցությունը ընտրություններին պատրաստվում է հաղթել Թուրքիայի Քուրդիստանում. հայտնում է tr.sputniknews.com կայքը:

«Նրանց չի հաջողվի մասնատել այս երկիրը: Քուրդիստանը Հյուսիսային Իրաքում է: Եթե շատ են ուզում թող գնան այնտեղ: Իմ երկրում Քուրդիստան չկա, միայն արևելյան Անատոլիա կա, հարավարևելյան Անատոլիա կա, միջին Անատոլիա կա, բայց իմ երկրում Քուրդիստան չկա: Երբեք չենք թույլ տա, որ այս երկիրը մասնատվի»,- հայտարարել է նա: