Պակիստանի և Հնդկաստանի միջև տեղի ունեցած օդային ճակատամարտին մասնակցել է 24 ինքնաթիռ

Քաշմիրի  երկնքում նախօրեին տեղի ունեցած օդային մարտերին մասնակցել են Պակիստանի օդային ուժերի 16 և Հնդկաստանի օդուժի 8 ինքնաթիռներ: Այդ մասին, ըստ  Коммерсант-ի,  հայտնում է NDTV- ն:

Նշվում է, որ  Պակիստանի ռազմաօդային ուժերը գործարկել են ամերիկյան 8 F-16 կործանիչ, ֆրանսիական 4 Mirage-3 և չինական արտադրության ևս 4 JF-17 Thunder,  հնդկական կողմը գործի է դրել 4 Su-30MK, 2 Mirage 2000 և 2 MIG-21:

Հնդկաստանի ավիացիան ոտքի են հանել այն բանից հետո, երբ Պակիստանը փորձել է ռմբակոծել հնդկական ռազմական դիրքերը:

Կատարվածի հետևանքով Պակիստանըը կորցրել է F-16 կործանիչը, իսկ Հնդկաստանը` MiG-21: Հնդիկ օդաչուն դուրս է թռչել օդանավից և  գերեվարվել: