Զախարովան մեկնաբանել է Խոջալուի դեպքերին նվիրված երթին ռուս պատգամավորների մասնակցությունը

ՌԴ ԱԳՆ պաշտոնական ներկայացուցիչ Մարիա Զախարովան ավանդական ճեպազրույցի ժամանակ «Շանթ»-ի լրագրողի խնդրանքով մեկնաբանել է այն հանգամանքը, որ ռուս խորհրդարանականների մի խումբ Բաքվում մասնակցել է Խոջալուի դեպքերին նվիրված երթին:

Զախարովան նշել է, որ դաժան, արյունալի ԼՂ հակամարտությունը մահ և տանջանքներ է բերել և’ հայ, և’ ադրբեջանցի ժողովուրդներին:

«Ռուսաստանը միշտ կարծել է և շարունակում է կարծել, որ դա մեծ ողբերգություն է, և մեր երկիրը էական, վճռական աջակցություն է ցուցաբերում կողմերին` հակամարտության խաղաղ կարգավորման համար: Դա է մեր պաշտոնական դիրքորոշումը»,- նշել է նա:

Ինչ վերաբերում է երթին ռուս պատգամավորների մասնակցությանը, ապա Զախարովան խորհուրդ է տվել այդ հարցն ուղղել հենց նրանց` հավելելով, որ դեմոկրատական հասարակությունում օրենսդրական մարմին գալիս են մարդիկ տարբեր քաղաքական հայացքներով: