Թուրքիայում դադարեցրել են հյուրանոցի շինարարությունը պատմական և զբոսաշրջային նշանակություն ունեցող վայրում

Մի քանի օր առաջ Թուրքիայի համար հսկայական զբոսաշրջային նշանակություն ունեցող Կապադովկիայում (նախկինում հունաբնակ և հայաբնակ), որտեղ կան մեծ  թվով ստորգետնյա և վերգետնյա քարայրեր, ուր ժամանակին բնակվել են մարդիկ, սկսվել էր հյուրանոցի շինարարություն: Այս փաստը մեծ իրարանցում էր առաջացրել հանրության շրջանում:

Ըստ CNNturk.com  կայքի` այսօր Թուրքիայի մշակույթի և զբոսաշրջության նախարարությունը որոշում է կայացրել դադարեցնել արդեն մեկնարկած` հյուրանոցի շինարարությունը: Հայտարարության մեջ մասնավորապես նշվում է, որ թույլ չեն տա մարդկության պատմության համար հսկայական նշանակություն ունեցող Փերի Բաջալարը կոչված վայրում  որևէ շինարարություն իրականացնել:

Կապադովկիան ամեն տարի Թուրքիայի համար ապահովում է 2 մլն զբոսաշրջիկ: