ՀՀ դեսպանությունը փորձում է արագ լուծել ՌԴ-ում հայկական մի շարք լրատվամիջոցների արգելափակման խնդիրը. ԱԳՆ խոսնակ

ՌԴ-ում արգելափակված է հայկական մի քանի լրատվամիջոցների աշխատանքը. լրագրողների հետ ճեպազրույցում հայտնեց ԱԳՆ խոսնակ Աննա Նաղդալյանը:

«Խնդրի էությանը տեղյակ ենք, ՌԴ-ում ՀՀ դեսպանությունն ամենօրյա կապի մեջ է ռուսական պատկան մարմինների հետ՝ խնդրին լուծում տալու համար: Որքան տեղյակ եմ՝ այսօրվա դրությամբ խնդիրը մասնակի լուծվել է` որոշ կայքերի հետ կապված»,- ասաց ԱԳՆ մամուլի խոսնակը՝ հավելելով, որ խնդիրը նաև տեխնիկական բնույթի է,  և որ քայլեր են ձեռնարկվում դրա վերացման ուղղությամբ:

Աննա Նաղդալյանը հորդորեց լրատվամիջոցներին` խափանումների մասին տեղեկացնել իրենց, որպեսզի ռուսական կողմի հետ ակտիվ աշխատանք տարվի: