Միջուկային պայմանագրի շուրջ ռուս-ամերիկյան բանակցությունները արդյունք չեն տվել

Ռուս սենատոր Ալեքսեյ Պուշկովը մեկնաբանել է Միջին և փոքր հեռահարության հրթիռների ոչնչացման մասին ռուս-ամերիկյան բանակցությունները, որոնք կայացել են Ժնևում. հայտնում է РИА Новости-ն: Նա վստահ է, որ ԱՄՆ-ն արդեն վերջնական որոշում է կայացրել:

«Ժնևում հանդիպումը ընդամենը մանևր է, որպեսզի դարձյալ մեղադրեն ՌԴ-ին և համոզեն եվրոպացիներին` աջակցել  Վաշինգտոնի այդ քայլին»,- գրել է Պուշկովը իր թվիթերյան էջում:

Նշենք, որ բանակցությունները կայացել են հունվարի 15-ին: Դրանց ավարտից հետո ՌԴ ԱԳՆ ղեկավարի տեղակալ Սերգեյ Ռյաբկովը հայտարարել է, որ Վաշինգտոնը ցույց է տվել համաձայնագիրը խզելու որոշումը մինչև վերջ հասցնելու հստակ ձգտումը: