Լուկաշենկոն պատմել է, թե ինչպես էր Ելցինը սովորեցնում իրեն թերթեր չկարդալ

Բելառուսիայի նախագահ Ալեքսանդր Լուկաշենկոն պատմել է, որ ՌԴ նախկին նախագահ Բորիս Ելցինը իրեն սովորեցրել է չարձագանքել թերթերում տեղ գտած քննադատություններին: Հաղորդում է «ՌԻԱ Նովոստի»-ն:

«Երբ ես նախագահ դարձա, արձագանքում էի ամեն մի լրագրողի քննադատական հոդվածին: Եվ մի օր խոսակցություն ունեցա Բորիս Ելցինի հետ : Միակ մարդը, ում հետ կարող էի խմել: Ես ասացի. «Բորիս Նիկոլաևիչ, բայց այս ինչեր են գրում, այս ամենը սուտ է»: Նա էլ ասաց. «Դու ինչ է` թերթեր ես կարդում ու հեռուստացույց ես նայո՞ւմ: Դու ինչ է` էլ բան ու գործ չունե՞ս»: Այդ ժամանակ ես սկսեցի մտածել»,- ասել է Լուկաշենկոն:

Նրա խոսքով` հենց Ելցինն է սովորեցրել նրան հանգիստ վերաբերվել ու ուշադրություն չդարձնել  թերթերին: Ելցինը մի առիթով Լուկաշենկոյին ասել է. «Եթե ես քո պես վերաբերեի ամեն ինչին, ապա վաղուց գերեզմանոցում կլինեի»:

Իսկ թե ինչպես է վերաբերվում ֆեյք լուրերին, Լուկաշենկոն պատասխանել է, թե նրան հետաքրքիր են այդ ֆեյք լուրերի պատվիրատուները: