Գերմանիան հանդես է եկել Brexit-ի համաձայնագրում փոփոխություններ կատարելու դեմ

Գերմանիայի ԱԳՆ ղեկավար Հայկո Մաասը հանդես է եկել Brexit-ի համաձայնագրում փոփոխություններ կատարելու դեմ. հայտնում է РИА Новости-ն:

«Չի կարող այնպես լինել, որ պայմանները միակողմանի կարգով թելադրվեն: Այսպիսով` այդ տեքստը, որը, ի վերջո, պետք է հավանության արժանացնեն ԵՄ անդամ բոլոր երկրները, արդեն ոչ թե բանակցությունների հիմքն է, այլ որոշման հիմքը»,- ասել է նա:

Նշենք, որ բրիտանական ԶԼՄ-ները հայտնում են, որ Բրիտանիայի վարչապետ Թերեզա Մեյն այսօր կմեկնի Բրյուսել և Brexit ի հարցով բրիտանական կողմի համար ավելի ձեռնտու գործարք կպահանջի: Այդ պատճառով է նա հետաձգել համաձայնագրի հարցով վճռորոշ քվեարկությունը: