BBC-ի ռուսական ծառայությունը` ՀՀ-ում ընտրությունների, ընդդիմության և սպասելիքների մասին

BBC-ի ռուսական ծառայությունն անդրադարձել է ՀՀ ԱԺ արտահերթ ընտրություններին: Նշվում է, որ «Իմ քայլ»-ը դաշինքը հավաքել է ձայների 70 տոկոսից ավելին, իսկ նման ցուցանիշ հետխորհրդային Հայաստանում չի ունեցել ոչ մի քաղաքական ուժ:

«Հեղափոխությունը ձևակերպվեց այդ ընտրություններով, և այն ինչ-որ իմաստով կարելի է ավարտված համարել: Փաստացի Փաշինյանը պետք է դառնա առաջնորդ, որն այլևս չի պատերազմում նախորդ իշխանության հետ»,- կարծիք  է հայտնել վերլուծաբան Սամվել Մարտիրոսյանը:

 Անդրադառնալով նոր խորհրդարանում  ընդդիմության առկայությանը` BBC-ն  նշում է, որ իրական ընդդիմության չի լինի:

««Բարգավաճ Հայաստան» կուսակցությունում շատ են խոշոր բիզնեսի ներկայացուցիչները, և նրանք խուսափում են բաց դիմակայությունից, ընդ որում` ցանկացած իշխանության հետ»,- ասում է քաղաքագետ Հրանտ Միքայելյանը:

Խոսելով սպասելիքների մասին` BBC-ն, զրուցելով Երևանի բնակիչների հետ, նշում է, որ նրանք խոստովանում են` իրենց ակնկալիքները չեն արդարացել: