Արթուր Բաղդասարյանը վստահ է` ՕԵԿ-ը կանցնի խորհրդարան

ՕԵԿ ղեկավար Արթուր Բաղդասարյանն արդեն կատարել է իր ընտրությունը: Նա համոզմունք հայտնեց, որ իր ղեկավարած կուսակցությունը` ՕԵԿ-ը, վստահաբար անցնելու է խորհրդարան:

«Քվեարկեցի Հայաստանի զարգացման, նորարարական, խելացի ծրագրերով երկիրը կառավարելու, նոր աշխատատեղերի ստեղծման, այլ ոչ թե կրճատման, ՀՀ-ի առաջ ծառացած բյուր ու բազում ներքին ու արտաքին սպառնալիքները նորարարական մոտեցումներով կառավարելու և հանգուցալուծելու օգտին»,- ասաց Բաղդասարյանը:

Ըստ նրա` ընտրության ընթացքն այս պահի դրությամբ նորմալ է ընթանում: Թեկնածուն նշեց, որ ահազանգեր չունեն խախտումների մասին և ժողովրդին մաղթեց  արդար քվեարկություն: