Այսօր Արգենտինայում տեղի կունենա G20-ի գագաթնաժողովը

Աշխարհի 20 խոշորագույն տնտեսություն ունեցող երկրների ղեկավարները կհավաքվեն այսօր Արգենտինայում. հայտնում է РИА Новости-ն:

Այսօր կկայանա «Մեծ քսանյակի» գագաթնաժողովը, որի ժամանակ կքննարկվեն ավանդական թեմաներ` առևտուր, թվային տնտեսություն, կլիմայական փոփոխություններ, կայուն զարգացում, գենդերային հավասարություն:

Սակայն ամենակարևոր իրադարձությունն ԱՄՆ և Չինաստանի նախագահների հանդիպումն է. աշխարհը կհետևի` ինչպես այդ երկրները կփորձեն դուրս գալ առևտրային պատերազմից:

Նշենք, որ ԱՄՆ նախագահ Դոնալդ Թրամփը պետք է հանդիպեր նաև ՌԴ նախագահ Վլադիմիր Պուտինի հետ, սակայն վերջին պահին չեղարկել է այն Կերչի նեղուցում տեղի ունեցած միջադեպի պատճառով: