«Ռոսպոտրեբնադզոր»-ը տուգանել է թուրքական Onur Air ավիաընկերությանը

«Ռոսպոտրեբնադզոր» դաշնային ծառայությունը տուգանել է թուրքական Onur Air ավիաընկերությանը.  հայտնում է РИА Новости-ն` հղում անելով ՌԴ Հարավային տրանսպորտային դատախազությանը:

Բանն այն է,  որ ընկերության` մայիսի 20-ի երեկոյան Անթալիայից Չելյաբինսկ թռչող Airbus 321 ինքնաթիռը հարկադիր վայրէջք է կատարել Վոլգոգրադի օդանավակայանում: Ինքնաթիռում գտնվել է 226 ուղևոր և անձնակազմի 8 անդամ:

ՌԴ Հարավային տրանսպորտային դատախազության անցկացրած ստուգման արդյունքում պարզ է դարձել, որ հարկադիր վայրէջքից ու ավելի քան 8 ժամ ուշացումով իրականացված թռիչքից հետո ավիաընկերությունն ուղևորներին սնունդ չի տրամադրել, զանգեր կատարելու հնարավորություն չի տվել  և չի տեղավորել հյուրանոցում:

Տուգանքը կկազմի 20 000 ռուբլի: