Վահե Գրիգորյանը Հրայր Թովմասյանի հետ աշխատելու հարցում խնդիր չի տեսնում

ՍԴ անդամի թեկնածու Վահե Գրիգորյանը ՍԴ նախագահ Հրայր Թովմասյանի հետ աշխատելու հարցում խնդիր չի տեսնում:

Հարցին՝ ինչպե՞ս կաշխատի Թովմասյանի հետ, եթե ընտրվի, քանի որ Թովմասյանը նախկին իշխանության ներկայացուցիչ է, նա պատասխանեց. «Ինչպես հարկ եղավ: Սա անձնական նախապատմությունների հարց չէ: Ամեն մեկն ունի իր պաշտոնական պարտականությունները և այդ պարտականությունների շրջանակներում պարտավոր է համագործակցել, աշխատել, հարաբերվել ցանկացած մեկի հետ»:

Հարցին էլ՝ իր ընտրությունը քաղաքակա՞ն, թե՞ իրավական հարթությունում է, Վահե Գրիգորյանը պատասխանեց, որ սա քաղաքական գործընթաց է: Նա չհերքեց, որ վայելում է գործադիր իշխանության վստահությունը: