ԵԱՏՄ տարածքում գազի ընդհանուր շուկան կարող է սկսել գործել 2023-ից. ԵԱՏՀ պաշտոնյա

ԵԱՏՄ տարածքում գազի ընդհանուր շուկայի ստեղծման գործընթացը կարող է արագացվել, ինչի արդյունքում այն կարող է լիարժեք գործել արդեն 2023-ի հունվարի 1-ից, այլ ոչ թե, ինչպես նախատեսված է պայմանավորվածություններով, 2025-ից: Այդ մասին ասել է Եվրասիական տնտեսական հանձնաժողովի էներգետիկայի դեպարտամենտի տնօրեն Լեոնիդ Շենեցը Բելառուսական էներգետիկ և բնապահպանական համաժողովի շրջանակում ելույթի ժամանակ:

«Դրա համար հարկավոր է պայմանագիր կնքել, մշակել ակտեր ու շուկայի գործունեության համար բոլոր անհրաժեշտ պայմանները ստեղծել»,- ասել է պաշտոնյան:

Շենեցի խոսքով` պայմանագրի նախագիծը պետք է պատրաստ լինի 2021-ին, իսկ դրա  ստորագրումը նախատեսված է 2022-ին: