Իսրայելը Սիրիային է մեղադրում ռուսական օդանավի խոցման մեջ

Իսրայելը հերքում  է իր պատասխանատվությունը Սիրիայում ռուսական Իլ-20 օդանավի խոցման մեջ. հայտնում է РИА Новости-ն:

Ըստ իսրայելական կողմի` կատարվածում մեղավոր են Դամասկոսը, Իրանը և «Հըզբոլլահ»-ը: Նշվում է, որ իսրայելական կողմը պատրաստ է անհրաժեշտ տեղեկատվություն տրամադրել ՌԴ-ին` միջադեպը հետաքննելու համար:

Միևնույն ժամանակ, իսրայելական կողմը չի հերքել, որ ավիահարվածներ է  հասցրել Սիրիայում,  և նշել է, որ զգուշացրել է դրա մասին ռուս գործընկերներին:

Ավելի վաղ հայտնել ենք, որ Իսրայելը հարվածներ է հասցրել Սիրիայում, իսկ սիրիական ուժերը պաշտպանվելիս խոցել են ռուսական Իլ-20-ը, որը եղել է դեպքի վայրից ոչ հեռու: Զոհվել է 15 զինվոր: